خذوني

يا للي دفنتوا جثتها ..

 ليه تبكون ؟

لولا الحيا ..

لأقول : معكم خذوني

 منها أنحرمت

وكنت أنا عنها مسجونة

ما أذكر لمحتها ..

غير مره بعيوني شفتها ..

وكانت فرحتي ما لها لون

عجزت لأوصف ..

من لمحتها شجوني

 يا ليتني ..

 كنت الكفن يوم تمشون

 أبقى معها بالقبر

 ثم تدفنوني

 أو ليتني ..

من خلفكم كنت

 ( مجنونة )

أتبع خطاكم

 والعذر هو : جنوني

 أبكي وراكم ..

وأدعي ان كان تدعون

 ما يكفي إنه عاشت عمرها بدوني ؟؟

 تكفون هاكم عمري اليوم

 تكفون برخص حياتي

دام خابت ظنوني

 ما فادني صبري !!

ولا فادني عون ولا فادني دمعـ ..

 حرق لي جفوني يا ما بكيتها

والبكي يحرق عيون

 ( سميت قلبي عقب فرقاها ملعون )

يا ليتني ..

ماعشت لحظه بهالكون

و ياليت ربعي ..

في سكات اذبحوني

وياليتكم ..

عن همّي اليوم تدرون

منها أنحرمت

ومن عزااها .. حرموني

حتى بوفاتها !!

 يوم أنا طحت مطعونة

 أخفيت طعناتي ..

 قبل لا يفضحوني بكيت !!

 لكن ..

ماتظاهرت بالهون

 أبكي

 وأقول : الموت هو سبة طعون

 دلوني لقبرها ..

وهناك ..

 أتركوني .. !